Ku musi wagatanu itariki 21 Ntwarante 2025, haraye habaye Haziko Imuhira ku cicaro gikuru ça Rajedes Burundi, icivugo; " Isano riri hagati y'ukwihereza ibiyayura mutwe n'ugusama inda zitifujwe, ukwandura indwara zifatira mu bihimba vy'irondoka harimwo n'umugera wa SIDA. " Mu kiyago barabiye hamwe, ubwoko bw'ibiyayura mutwe vyemewe namategeko, inzoga zikaze, nibitemewe namategeko, amatabi, n'urumogi. Ingaruka mbi zitegwa n'ibiyayura mutwe hamwe n'indwara zifatira mu bihimba vy'irondoka.

Ica mbere nyamukuru cashikirejwe ni kwihangana, akaba aribwo buryo bwizewe ku gwaruka. Bafarashe kandi akaryo ko kwihweza isano riri hagati yo kwihereza ibiyayura mutwe hamwe no gukora imibonano mpuza bitsina: Umaze kwihereza ibiyayura mutwe, bitera umuntu gutinyuka bigatuma atampungenge canke agatima gatera iyo akoze imibonano mpuza bitsina. Iyo agiye gukora imibonano mpuza bitsina arashobora gutwara inda z'indaro, gufungwa canke kwandura indwara zifatira mu bihimba vy'irondoka nka SIDA. Ikindi umuntu arashobora gukoresha ibikoresho vy'uwundi bitobora uruhu, mugihe ariko arafata ikiyayuramutwe.

Narirya ugwaruka ariko rubangamiwe cane, gwategerezwa gutwara iyambere mu kwihangana, kwikingira no guhanura abandi. Tubibutse ko Haziko Imuhira ikurikira itegekanijwe mu kwezi kwa ndamukiza muri uyu mwaka wa 2025.